uBill SMS — DataLife Engine

რას აკეთებს

რატომ არ ტყდება DLE-ის განახლებაზე

DLE-ის პლაგინები ჩვეულებრივ ძრავის ფაილებს searchcode-ით აპატჩავენ. თუ ახალ ვერსიაში ის კოდი შეიცვალა, პაჩი ჩუმად აღარ ედება — ფუნქცია კვდება და შეცდომა არსად ჩანს.

ეს პლაგინი ძრავის არცერთ ფაილს არ ცვლის. მანიფესტში <file> ბლოკი საერთოდ არაა:

• ადმინის განყოფილება DLE-ის საკუთარ ცხრილში რეგისტრირდება;
• საიტის გვერდები შაბლონში ერთი ხაზით ერთვის — ეს DLE-ის დოკუმენტირებული გზაა მოდულების მისაერთებლად;
• ბაზის ცვლილებები მანიფესტშია და პლაგინის წაშლისას თავად სუფთავდება.

ქართული ტექსტი GSM-7-ში არ ჯდება და UCS-2-ით იგზავნება — ერთი SMS 160-ის ნაცვლად 70 სიმბოლოა. პლაგინი ყოველ შაბლონთან იქვე გიწერს კოდირებას, სიგრძესა და სეგმენტების რაოდენობას. მასობრივ გაგზავნამდე კი ჯერ მიმღებების რიცხვსა და სულ რამდენ SMS-ს ჩამოგაჭრის გაჩვენებს — დადასტურების ღილაკი მხოლოდ ამის შემდეგ ჩნდება.

uBill-ის ანგარიშის მოთხოვნა მხოლოდ სტატუსს აბრუნებს, დროის გარეშე — ოპერატორის ნამდვილი დრო callback-ში მოდის. პლაგინს თან ახლავს callback-ის მიმღები, ამიტომ ჟურნალში სამივე საფეხური თავისი დროით ჩანს:

მოთხოვნა             27.08.2026 10:00:03
ოპერატორმა გაგზავნა  27.08.2026 10:00:07   (+4 წმ)
მიუვიდა              27.08.2026 10:00:19   (+16 წმ)

თუ callback ჩართული არაა, დრო მაინც ჩანს, ოღონდ ტილდით — რადგან ეს მხოლოდ ის მომენტია, როცა ცვლილება შევამჩნიეთ. მიახლოებითს ზუსტად არ ვასაღებთ.

• API გასაღები მხოლოდ სერვერზე. ინახება engine/data/-ში, პირდაპირი გახსნისგან დაცული ფაილით; ინტერფეისში მხოლოდ ნიღბიანად ჩანს.
• კოდი ბაზაში ღიად არ ინახება — მხოლოდ HMAC-SHA256 ჰეშად, თითო მცდელობაზე ახალი მარილით; შედარება დროში მუდმივია.
• ლიმიტები სერვერზე მოწმდება — კოდის ვადა, ხელახლა გაგზავნის ინტერვალი და მცდელობების რაოდენობა, არა ფორმაში.
• არსებული ნომრები არ ჟონავს — არასწორი კოდი და უცნობი ნომერი ერთსა და იმავე პასუხს იღებს.
• პაროლს პლაგინი თვითონ არ ჰეშავს — DLE-ის საკუთარ API-ს ანდობს, რომ bcrypt-ის ფორმატი არ დაირღვეს.
• SQL — ყველა მნიშვნელობა ძრავის ეკრანირებაზე ან მთელ რიცხვზე გადის.

მოთხოვნები

დემო-ვერსია არ გამოდგება: DLE-ს იქ პლაგინების სისტემა გამორთული აქვს, რადგან კოდი დახურულია.

1. ადმინი → პლაგინები → არქივის ატვირთვა.
2. ადმინი → uBill SMS → API გასაღები და brandID → შენახვა.
3. ბალანსის ნახვა — თუ რიცხვი დაბრუნდა, კავშირი მუშაობს.
4. შაბლონში ერთი ხაზი დადასტურების გვერდისთვის და ერთიც პაროლის აღდგენისთვის — ორივე ინსტრუქცია ადმინშივე წერია, კოპირებისთვის მზა სახით.

რა შედის არქივში

დასაყენებელი პლაგინი სრული ქართული ინტერფეისით, uBill-ის თვითკმარი კლიენტი (Composer არ სჭირდება — გაზიარებული ბიბლიოთეკა სხვა მოდულებთან კლასების შეჯახებას იწვევს), callback-ის მიმღები, unit და ინტეგრაციული ტესტები და არქივის ამწყობი სკრიპტი.