uBill

ელფოსტა იგზავნება. SMS — იკითხება. ეს პროექტი [uBill](https://ubill.ge)-ის SMS API-ს
უერთებს იმ CMS-ებს, რომლებზეც ქართული საიტების დიდი ნაწილი დგას, რომ საიტმა
მომხმარებელს იმ არხით მიწვდეს, რომელსაც ის ნამდვილად ხსნის.

თითოეული ნაწილი დამოუკიდებელი პლაგინია და ცალკე ვერსიონირდება — ერთის განახლება
დანარჩენს არ ეხება.

• ნამდვილი მომხმარებელი. ნომრის დადასტურება ერთჯერადი კოდით — ყალბი ანგარიშებისა და მრავალანგარიშიანობის ყველაზე იაფი ფილტრი.
• პაროლის აღდგენა SMS-ით. მაშინაც, როცა ადამიანს ძველ ელფოსტაზე წვდომა აღარ აქვს.
• პირდაპირი კავშირი. შეტყობინება მთელ ჯგუფს ან ერთ ადამიანს, ხარჯის წინასწარი ჩვენებით.

როგორ არის აწყობილი

• გასაღები სერვერს არ ტოვებს. არც შაბლონში, არც JavaScript-ში, არც საჯარო კოდში.
• ძრავის ფაილები ხელუხლებელი რჩება. CMS-ის განახლების შემდეგ პლაგინი ისევ მუშაობს — არაფერი ჩუმად არ წყდება.
• ხარჯი წინასწარ ჩანს. ქართული ტექსტი UCS-2-ია და ერთი SMS 160 კი არა, 70 სიმბოლოა. ეს რიცხვი ინტერფეისში წერია და არა თვის ბოლოს, ანგარიშში.
• ჩუმი ჩავარდნა არ არსებობს. ყოველი გაგზავნა ჟურნალშია — სეგმენტებით, პასუხითა და მიწოდების ზუსტი დროებით.