uBill SMS — WooCommerce

რას აკეთებს

checkout-ს არ აყოვნებს

SMS-ის გაგზავნა ქსელური მოთხოვნაა. თუ ის შეკვეთის შენახვის ნაკადში ჩაჯდა, მყიდველი ოპერატორის პასუხს ელოდება — და როცა uBill ნელია, „გადახდის დასრულების" გვერდიც ნელია.

ამ პლაგინში გაგზავნა ფონურ დავალებად ინიშნება. შეკვეთა ინახება, გვერდი მაშინვე ბრუნდება, SMS კი წამებში მიდის. თუ საიტზე WP-Cron გამორთულია, პლაგინი ამას თვითონ ამჩნევს და ადმინს აფრთხილებს — ჩუმად დაგვიანება არ ხდება.

SMS-ის ჩავარდნა შეკვეთას არასოდეს ტეხს. ყველა გამონაკლისი იჭერა და ჟურნალში ჩაიწერება; WooCommerce-მდე არ ადის.

WooCommerce ზოგჯერ ჯერ ცარიელ შეკვეთას ინახავს და პროდუქტს მერე ამატებს. გულუბრყვილო პლაგინი სწორედ იმ მომენტში ისვრის ადმინის შეტყობინებას და მაღაზიის მფლობელს „ახალი შეკვეთა — 0.00 ₾" მიდის.

ეს პლაგინი შეკვეთის გაფორმების hook-ს უსმენს (კლასიკურსაც და Blocks-ისასაც), ცარიელ ჩანაწერს ტოვებს და შეკვეთაზე ერთ შეტყობინებას აგზავნის — რომელი გზითაც უნდა შეიქმნას იგი.

ქართული ტექსტი GSM-7-ში არ ჯდება და UCS-2-ით იგზავნება — ერთი SMS 160-ის ნაცვლად 70 სიმბოლოა. პლაგინი ყოველ შაბლონთან იქვე გიწერს კოდირებას, სიმბოლოების რაოდენობასა და სეგმენტებს, და ტექსტის კრეფისას ცოცხლად განაახლებს. ორ სეგმენტზე მეტი წითლდება — რომ შემთხვევით სამმაგი ფასი არ გადაიხადო.

uBill-ის ანგარიშის მოთხოვნა მხოლოდ სტატუსს აბრუნებს, დროის გარეშე — ოპერატორის ნამდვილი დრო callback-ში მოდის. პლაგინი callback-ის მისამართს ყოველ გაგზავნას თვითონ აყოლებს, ამიტომ ჟურნალში სამივე საფეხური თავისი დროით ჩანს:

გადავეცით uBill-ს      27.08.2026 13:12:04
ოპერატორმა გააგზავნა   27.08.2026 13:12:08
აბონენტს მიუვიდა       27.08.2026 13:12:21

მწკრივზე დაწკაპუნება შლის სრულ ტექსტს, კოდირებას, სეგმენტებსა და smsID-ს. სად დრო ტილდითაა, ის ჩვენი გამოკითხვის მომენტია და არა ოპერატორის — მიახლოებითს ზუსტად არ ვასაღებთ.

uBill-ის უარი ხშირად კონკრეტულ მიზეზს შეიცავს. პლაგინი მას არ ყლაპავს: ქართული ახსნის გვერდით ოპერატორის ორიგინალი ტექსტიც წერია.

uBill-მა სერვერის IP არ დაუშვა. ეს მისამართი uBill-ის კაბინეტში
თეთრ სიაში უნდა შეიყვანო. (185.189.209.100 IP address is not allowed)

ანუ ჩანს არა მარტო „რაღაც ვერ გამოვიდა", არამედ რომელი მისამართი დაამატო.

• API გასაღები კოდში არსად წერია — ინახება wp_options-ში, ინტერფეისში კი დახურულ ველშია.
• მოთხოვნა WordPress-ის HTTP API-ით მიდის — პირდაპირი cURL-ის გარეშე; საიტის proxy და timeout-ის პარამეტრები პატივდებულია.
• ყოველი ფორმა nonce-ითა და manage_woocommerce უფლებით არის დაცული, გამოტანა კი სრულად ეკრანირებული.
• callback-ის გასაღები ცალკეა — API-ის გასაღები URL-ში არასოდეს გადის; შეუსაბამო გასაღები 400-ს იღებს.
• ყველა SQL მომზადებული მოთხოვნაა ($wpdb->prepare).
• ჩუმი ჩავარდნა არ არსებობს — ყოველ უარს ჟურნალში მიზეზი უწერია.

HPOS

პლაგინი შეკვეთას მხოლოდ WC_Order-ის საჯარო მეთოდებით კითხულობს, wp_posts-ს პირდაპირ არსად ეხება, და custom_order_tables თავსებადობას ცხადად აცხადებს. ძველ და ახალ საცავზე ერთნაირად მუშაობს.

uBill გაგზავნას მხოლოდ თეთრ სიაში შეყვანილი IP-დან უშვებს — საიტის სერვერის მისამართი uBill-ის კაბინეტში უნდა დაამატო.

1. Plugins → Add New → Upload Plugin — ატვირთე არქივი და ჩართე.
2. WooCommerce → uBill SMS → კავშირი — ჩასვი API გასაღები, დააჭირე „ბრენდების ჩამოტვირთვას" და აირჩიე გამგზავნი.
3. შემოწმება — თუ ბალანსი დაბრუნდა, კავშირი მუშაობს. იქვე გაგზავნე სატესტო SMS.
4. შეკვეთები — ჩართე ის სტატუსები, რომლებზეც შეტყობინება გინდა.

პირველ ჯერზე სასარგებლოა სატესტო რეჟიმი: შეტყობინება ჟურნალში ჩაიწერება, ბალანსი კი არ იხარჯება — ჯერ შაბლონებს ნახავ, მერე ჩართავ.

დასაყენებელი პლაგინი სრული ქართული ინტერფეისით, uBill-ის თვითკმარი კლიენტი (Composer არ სჭირდება), მიწოდების callback-ის REST მიმღები, ჟურნალის ცხრილი და პლაგინის სუფთა წაშლის სკრიპტი.

კოდი 133 unit-ტესტითა და 46 ინტეგრაციული ტესტით არის დაფარული — ეს უკანასკნელი ცოცხალ WordPress + WooCommerce გარემოში ეშვება.